奏销档 190-019-2

Part of Project: 
Reading Manchu Sources
Author(s): 
Shengyu Yang

   ice ilan de

   wesimbuhengge dorgi baita be uheri kadalara yamun i gingguleme

   wesimburengge

hese be baire jalin baicaci hvwaliyasun tob i juwan juwaci aniya

      ilan biyade amban meni yamun ci guwang cu Si menggun ku i

next page

      belheme baitalara menggun isirakv turgunde

   wesimbufi boigon i jurgan de asaraha dorgi ku i menggun jakvn tanggv

      gvsin nadan tumen nadan minggan nadan tanggv funcere yan i dorgici

      orin tumen yan menggun be gaiha be dangsede ejehebi ne guwang

      cu Si menggun kude bisire gung ni menggun an nan gurun i menggun

      solho menggun oheri juwe tumen ilan minggan ninggun tanggv funcere

      yan ci tulgiyen kude damu emu tumen yan isire mengun funcehebi

      belheme baitalara de isirakv be dahame bahaci kemuni kooli songkoi

      boigon i jurgan ci orin tumen yan menggun gaifi baitarala de

      belhebuki sembi erei jalin gingguleme

next page

   wesimbuhe

hese be baimbi seme jeza de arafi uheri baita be icihiyara booi amban i

      baita de kamcifi icihiyara hoxoi tob cin wang booi amban i baita be

      tacime icihiyara hoxoi hvwaliyaka cin wang hiya kadalara dorgi amban

      bime booi amban i baita be kadalame icihiyara dacun kiyangkiyan gung

      necin hiya kadalara dorgi amban bime booi amban cangming dorgi

      amban bime boigon i jurgan i aliha amban booi amban haiwang weilere

      jurgan i aliha amban i baita be daiselaha booi amban laiboo baita

      wesimbure icihiyara hafan jang wen bin sede bufi ulame

   wesimbuhede ineku inenggi

hese saha sehe guwang cu Si bithesi hioi an benjihe